terça-feira, 17 de março de 2009

O circo começa

Aquí os temos, tal como som: em plena euforia póst-eleitoral, ouveando a sua vitória e o "trunfo" das teses supremacistas de Galicia Bilingüe e companhia

sexta-feira, 13 de março de 2009

Começamos andaina

Este blog é um blog de agitaçom. Advogamos pola movilizaçom social a favor do galego na comarca da Corunha. Nom agimos segundo os cálculos eleitorais de ninguém. Também pensamos que ninguém sobra na luita pola língua.

Rejeitamos qualquer discurso ou tacticismo desmovilizador. É na rua onde temos que agir, hoje mais do que nunca, porque é na rua onde há que ganhar esta guerra. Nom podemos permitir que as expressons organizadas do ódio étnico contra a língua e cultura galegas assomem a cabeça na rua. Estamos a permitir, salvo excepçons, que a extrema direita espanhola se movilice e converta a nossa terra num campo de provas para futuras operaçons contra-insurgentes noutras latitudes do estado.O movimento popular comprometido com a língua deve responder. Sem complexos e de maneira clara.

Vamos denunciar aqueles indivíduos, organizaçons ou grupos de pressom que promovam a hostilidade contra o galego na comarca da Corunha. E vamos chamar à movilizaçom quando fixer falta.

Na Corunha, a 13 de Março de 2009.